Tone of voice - الجزء الأول

  • tone of voice

تون أوف فويس .. بتتنطق كده

هو أساس الـ Brandبتاعك وهو اللي بيربطك بعميلك ويخليه يفتكرك لما يحصله حاجة قريبة من اللي انت قولته في حياته العادية تكون بس قريبة من الـ Brand   بتاعك, يعني هو Track اللي بيمشي عليه الخدمة بتاعتك أو المنتج اللي انت بتقدمه.

زي مثلا الـ Slogan أو الـ Color code أو شكل الإعلان بتاعك هيشوفه العميل ازاي؟!

المهم مش هتقول ايه.. المهم هتقوله ازاي؟! وعن طريق ايه ؟! إزاي تلمس مشاعر العميل بتاعك عشان توطَّد العلاقة بينك وبينه، وإنه مهما حصل بينكم مش هتقدروا تستغنوا عن بعض، زي مثلًا ما بنلاقي شركات كتيرة مبهدلة العملاء بتوعها والناس كل يوم تقول دي شركات سيئة ولكن مش بتبطل تستخدمها ولا تشتري منها!

؛ ودا لأنها بقت ركن من أركان حياتهم وميقدروش يستغنوا عنها، وهو ده النجاح اللي وصلت له شركات كتيرة في مصر وبره مصر.

الـ Tone of voice هتلاقيها في كل حاجة من الـBrand  مش في الـ Logo  بتاعه بس، لأ في الشنطة اللي بتشتري فيها حاجة منه، في الظرف لو بعتلك جواب، في الورقة لو طبعلك فاتورة، في المكان بتاعه لما تروح تزوره..

و مش علي الموقع بتاعه والـ social media channels  وخلاص، لأ.. في طريقة موظف بيمثله عشان دايمًا يزرع في دماغك الكيان كله مش خدمة واحدة ولا منتج واحد لأ بيزرع الكيان كله، والأمثلة كتيرة جدًا يعني مثلًا شركة Apple أول ما تنزل تليفون جديد المحبين ليها بيروحوا يشتروه بجنون حتى لو كان بيعمل أكتر من 10 آلاف جنيه هيشتروه برده؛ لأنهم بيعشقوا أي منتج تنزله Apple.

يعني الـ Tone of voice هو الطريق اللي هيمشي عليه الـ Branding بتاعك، يعني لو بتخاطب ناس راقية هاتلهم أحمد عز وماجد الكدواني في وسط أرقى أماكن في العالم، ولما تحب تخاطب ستات بيوت هاتلهم شيف من الشيفات المشهورين، ولما تكلم شباب هاتلهم مغنيين شباب أو ممثلين محبوبين لسه طالعين في أدوار شبابية.

ممكن نكون طوِّلنا شوية بس حبينا نوصل نقطة تعريف الـ Tone of voice عشان المقالات اللي جاية تكون سهلة وواضحة.