مبادىء الديجيتال ماركتنج

  • ديجيتال ماركتنج

اللي عايزين يتعلموا ديچيتال ماركتينج عددهم كل يوم بيزيد ومعظمهم بيسألوا نفس السؤال..

" أتعلمه أونلاين أحسن ولا أوفلاين وحد يتابع معايا عشان ألتزم وافهم؟".

 

الأول لازم تسأل نفسك: أنا ليه عايز أتعلم ديچيتال ماركتينج؟

فيه أسباب كتير تخليك تتعلمه زي إن كل الشركات دلوقتي بقت معتمدة عليه بشكل كبير وسوق العمل فيه بقى أكبر , وعشان هو من أهم العلوم الموجودة دلوقتي وأهميته بتزيد يوم بعد يوم ~

 

نرجع للسؤال الأولاني..

" أتعلم أونلاين أحسن ولا أوفلاين وحد يتابع معايا عشان ألتزم وافهم؟".

= إحنا بنقولك اتعلم ديچيتال ماركتينج

سيبك من دوشة كورسات السوشيال ميديا اللي بتديك قشور وفي الآخر بتخرج منها زي ما دخلت!

 

اتعلم تسويق معانا كل يوم حد وانت قاعد في بيتك وفاتح اللاب توب وفي إيدك كوباية الكاكاو الحلوة وطبَّق معانا كلمة كلمة لإننا هنقولك الزتونة :D

 

وهنتابع معاك ونجاوبك على إستفساراتك لحد ما توصل للمستوى اللي يرضيك، وكل دا بطريقة سهلة ومش معقدة ^_^

 

من الآخر.. إحنا مش هنديلك سمكة، هنعلمك إزاي تصطادها ;)

 

والنهارده هنبدأ معاك بحاجة خفيفة ونقولك:

◄ إيه هو التسويق؟

بعض الناس معتقدة إن التسويق مقصود بيه الدعاية والإعلان , ودا إعتقاد خاطئ!

= التسويق ببساطة هو إنك تشوف احتياجات الناس وتلبيها.

أو زي ما قال -فيليب كوتلر- الأب الروحي للتسويق:

= التسويق هو إرضاء الناس بطريقة ربحية 
 

لكن لو عايزين تعريف محدد للتسويق مش هنلاقي!

; لأن ملهوش تعريف محدد، بحكم إنه عملية إبتكارية ومتجددة دايمًا.
 

وبعض تعريفات التسويق اللي قالها -فيليب كوتلر- في كتابه وهو بيتكلم عن التسويق:

= التسويق هدفه إشباع حاجات ورغبات الأفراد

= التسويق بيتم بين طرفين في إطار عملية تبادلية

= التسويق نشاط إنساني يهتم بالأفراد

ولو سألت كل اللي اتعلموا ماركتينج هتخرج بإجابات مختلفة ومتعددة.. وكلها إجابات صحيحة :D

بعد ما عرفت تعريف التسويق لازم تقرأ كتاب: كوتلر يتحدث عن التسويق

= دا لو انت عايز تبقى ماركتير شاطر ;)