أيه هو الـ Backlink?!

  • Backlink

 

◄ الـ Back link هو أداة بيستخدمها أصحاب المواقع عشان ينشروا مواقعهم علي شبكة الانترنت.. إزاي ؟

هقولك ازاى 

= في ناس بتقول إن الـ Back link هو أداة لتحسين نتائج الموقع علي محركات البحث وخصوصا جوجل 

◄ وفيه ناس تانية بتقول إنه انتشار للموقع علي شبكة الانترنت عشان لما تبحث عن الموقع يبقى موجود في كل مكان حواليك 

- يعني إيه ؟!

◄◄ محركات البحث عناكب بتجري في الشبكة الكبيرة وبتحاول تلم الخيوط جنب بعض , المفروض إنك تكتر الخيوط بتاعة الموقع بتاعك عشان يبقى ليك انتشار كبير علي الانترنت 

• من الاخر كده الـ Back link زي Yنك تروح علي كل بيت وتكتب عنوانك ..
= فـ أكيد أي حد ماشي في الشارع هيشوف عنوانك واضح .
= اه كده فهمت !

- طب إيه أنواعه ؟
◄ الباك لينك نوعين: " داخلي وخارجي "

- الداخلي هو إنك في صحفات موقعك تربط صفحات تانية .
 = يعني مثلا لو عندك بلوج وورد بريس أو جوملا أو غيرها لازم تفعل خاصية المواضيع المتشابهه وهي في العادي مفعلة أو إنك تحط لينك الموضوع جوه موضوع تاني، زي مثلا لو أنا عامل مجموعة مواضيع مترابطة ببعض فـ بربط لينكاتها جوه بعض (Y) 

- أما الخارجي فـ هو إنك تحط لينكات لموقعك في مواقع تانية تفيد موقعك بس بهدوء وبروية مش سبام وخلاص!

◄ المفروض كمان إنك تشوف المنتديات والمواقع التانية وتبتدي تحط لينكات ليك جوه المنتديات دي أو صور خاصة بموقعك أو تنشر فيديوهاتك , المهم متكنش سبام ولا تكون مخالف لقوانين المواقع .

•• يعنى وضعك للباك لينك الخاص بيك يكون بشكل محترف .. زى ردود تقنية أو مساعدات او يكون فى التوقيع الخاص بيك إو إحالة أو نصائح .. مش مجرد نشر للينكات وخلاص 

* في النهاية أحب أقولك أن الباك لينك هو مجرد اداة لرفع موقعك علي محركات البحث .. بس لو موقعك مافيهوش حاجة مفيدة يبقى كأنك معملتش حاجة !