ازاى تكتب محتوى جيد : الجزء التانى

  • محتوى

 

اتكلمنا المقالة اللي فاتت عن أول 3 أسئلة لازم تبدأ بيهم إستراتيچية الـ Content وهما :

• إنت ليه بتعمل content أصلًا ؟!
• إيه نوع الـ content اللي انت محتاج له ؟
• إزاي نعمل الـ contentt علشان نحقق أهدافنا اللي احنا عاوزين نوصل لها ؟

◄المرة دى هنأخد أول سؤال منهم ونتكلم عنه، وهو :-
- إنت ليه بتعمل content أصلا ؟! 

* ودا ممكن يساعدك إنك تجاوب عليه بإنك تشوف الـ 3 جمل دول :-
أ. إيه هي أهدافك التسويقية ؟
 = إنت ناوي على إيه من عملية التسويق اللي بتعملها ؟ إيه أهدافك اللي انت عايز تحققها ؟

عايز تكون رقم واحد في مبيعات " منتج معين " , عايز توصل لحجم مبيعات أو إنتشار معين , عايز تحقق قيمة وشهرة في وقت معين .

ب. إيه هي أهداف المحتوى بتاعك ؟
= المحتوى بتاعك إنت عايز تستفيد منه إيه وتوصل بيه لإيه ؟!
 يعني عايز : تنتشر من خلاله، تزود التفاعل عتدك، تقدم سلع ومنتجات معينة، تروج لفكرة، تنال الثقة من المتابعين.. إلخ.

ج. إيه " المنتج - الخدمة - النشاط - اللي هتسوق له ؟
 وليَّكن مثلا " ملابس " فـ إنت هنا بتشوف الملابس دي : لمين كـ نوع رجال ولا نساء، لِـ سن معين، لـ فئة معينة، لـ مستوى معين .

= وبتشوف إيه اللي ينفع معاهم من عدة نواحي زي :-
• طبيعة المحتوى اللي هتوجهه ليهم والكلام واللهجة المستخدمة
• شكل المحتوى نفسه
• إيه الحاجات اللي هتتكلم عنها وتشد إنتباههم بيها ليك وللمنتج دا

◄ دا بشكل أساسي ممكن تشتغل عليه وانت أكيد حسب النشاط اللي بتشتغل فيه هتلاقي أولويات بتضاف لِـ خطة المحتوى الخاصة بيك